کیا آپ جانتے ہیں کہ شہروں کے نام کیسے پڑے؟
آج ہم آپکو شہروں کے نام اور انکے مطلب اور ان سے جڑی مختصر کہانی بتائیں گےجو یقیننا آپکے لئے بہت دلچسپ ہوگی
کابل
افغانستان کے دارلحکومت کابل کے بارے میں کئی علمائے کرام کا کہنا ہے کہ اس شہر کا نام کمبوجہ قبیلے نے رکھاجو کہ ایک قدیم انڈین قبیلہ تھا جسکا ذکرسن سقرت کی قدیم کتابوں میں بھی ملتا ہے، سنسکرت زبان میں اسے کمبوجہ کہتے ہیں جسکا مطلب ہے کبڑی پشت والا یا ٹیڑھی کمر والا۔
کندھار
افغانستان کے اس شہر کے نام کے پس پردہ کئی روایات ہیں، پشتو روایات کے مطابق اسکا نام سکندریہ تھا ،فارسی زبان کے مطابق مقامی طور پر قند کا مطلب ”میٹھا” ہے، اس شہر کی خاص سوغات میں آڑو ،انار،تربوز اور دوسرے میٹھے پھل شامل ہیں۔
قند دیوار کو بھی کہتے ہیں یعنی ایک شہر جو پتھر سے تعمیر کیا گیاہو اور اسکی چار دیواری پہاڑوں سے بنی ہوئی ہوں۔
اسلام آباد
اسلام آبادپاکستان کاشہر اوردارلحکومت ہے،اسکے معنی ہیں اسلام کے ٹھہرنے کی جگہ یعنی جہاں اسلام پایاجاتا ہوں۔
راولپنڈی۔
راولپنڈی بھی پاکستان کا شہر ہےاسکا نام 2 الگ الگ لفظوں سے ملکر بناہے، راول ایک قبیلے کا نام ہے جبکہ پنڈی ایک چھوٹے گاؤں کو کہتے ہیں، اسکا مکمل مطلب راول کا گاؤں ہے۔
کراچی
کراچی پاکستان کا سب سے بڑا شہر ہے،کراچی کا نام کولاچی کے نام سے رکھا گیا تھااور اصل میں کولاچی ایک مچھیرن تھی جو کہ کراچی میں آکر آباد ہو گئی تھی، پھر وہاں کی نزدیکی بندرگاہ کا نام کولاچی کے نام سے مشہور ہو گیا تھا،کولاچی بلوچ قبیلے کا نام بھی ہے جنکا آبائی مسکن مکران ہےآہستہ آہستہ شہر کولاچی کا نام بدل کر کراچی رکھ دیا گیا۔
لاہور
لاہور زمانہ قدیم میں لاوا پوری کے نام سے مشہور تھا ،سن سنسکرت زبان میں اسکے معنی ہیں لاوا کا شہر،جو کہ راماں بادشاہ کا بیٹا تھا۔
نئی دہلی
نئی دہلی کے نام کے پس پردہ سب سے عام روایت یہ ہے کہ 50 قبل مسیح میں اسے ایک بادشاہ ڈھیلو یار دہلو نے اپنے نام سے منسوب کر کے قائم کیا جو بعد میں دلی کہلانے لگا۔
آگرہ
سنسکرت کے لفظ آگرے وانا سے اس شہر کا نام آگرہ رکھا گیاجسکا مطلب ہے جنگل کی سرحد، یہ نام ہندو مذہب کی کتاب مہابھارت میں بھی موجود ہے۔
چنائی
چنائی اصل میں تامل زبان کا لفظ ہے جسکا مطلب ہے ”چہرہ”، اسکا نام چنائی میں موجود ”کیساوا پورامل” مندر کے نام پر رکھا گیاہے ،جسکے زریعے اس مندر کو اس شہر کا چہرہ قرار دیا گیا ہے،اس شہر کا پرانا نام مدراس تھا۔
دوحہ
دوحہ قطر کا شہر ہےاور قطر کا دارلحکومت بھی ہے،عربی میں الدوحہ کے معنی چپ چپاہٹ کے بھی ہیں یعنی چپ چپا درخت ۔
ایسا درخت جس میں چپکنے کی صلاحیت ہو۔
ریاض
ریاض سعودی عرب کا شہر اور اسکا دارلحکومت بھی ہے،عربی زبان میں ریاض باغوں کی جمع ہےغالبا یہ باغ وہاں کے ٹیلوں پر بارشوں کی وجہ سے وجود میں آئےانہی باغوں کی مناسبت سے اسکا نام ریاض رکھا گیا۔
جدہ
مشہور روایت کے مطابق اولاد آدم کی ماں یعنی حضرت آدم کی بیوی حضرت حوا ؑ کا مزار جدہ میں موجود ہےاور عربی زبان میں نانی کو جدہ کہا جاتا ہے، اسی وجہ سے اس شہر کا نام ‘جدہ’ رکھا گیا ۔
ڈھاکہ
ڈھاکہ بنگلہ دیش کا شہر اور اس کا دارلحکومت ہے،اس شہر کا نام 12 صدی میں بلال سینا کے تعمیر کیے ہوئے دیوی مندر ڈھاکیشوری کے نام پر رکھا گیاجو کہ بعد میں ڈھاکہ کہلایا گیا۔
قاہرہ
قاہرہ مصر کا شہر اور مصر کا دارلحکومت ہے جسکا مطلب ہے فتح یاب۔
جکارتہ
جکارتہ انڈونیشیا کا شہر ہے، اسکا نام سنسکرت لفظ ”جایا کرتا” سے لیا گیا ہےجسکا مطلب ہے مکمل فتح، ماضی میں اس شہر کا نام ڈی جکارتہ بھی رکھا گیا۔
تہران
تہران ایران کا شہر اور دارلحکوت ہےجسکے معنی ہیں ‘جدید’ ۔
بغداد
بغداد عراق کا شہر ہے، فارسی زبان میں اسکا مطلب ہے خدا کا دیا ہوا یا خدا کا عطا کیا گیا۔
یروشلم
اسکا نام لاطینی اور یونانی زبان کے لفظوں سے ملکر بنا ہے جسکا مطلب ہے ‘سکون کا ٹھکانہ’ یعنی ایسی جگہ جہاں امن ہو۔
رباط
رباط مراکش کا شہر ہے جسکا مطلب ہے چار دیواری میں موجودبند جگہ۔
مسقط
مسقط اومان کا شہر ہےجسکے معنی ہیں چھپی ہوئی جگہ ۔
سنگاپور۔
سنگاپورسنسکرت کے لفظ سمھاپوری سے ماخوز ہے، جسکے معنی ہیں شیروں کا شہر ،سنسکرت میں سمھا شیر کو کہا جاتا ہے اور پور کا مطلب ہے شہر۔
واشنگٹن ڈی سی۔
واشنگٹن امریکا کا رارلحکومت ہے، اسکا نام امریکہ کے پہلے صدر جارج واشنگٹن کے نام پر رکھا گیا ہے اور ڈی سی کا مطلب ڈسٹرکٹ آف کولمبیا۔